Ave Maria, gratia plena, Dominus tecum. Benedicta tu in mulieribus, et benedictus fructus ventris tui, Iesus. Sancta Maria, Mater Dei, Ora pro nobis peccatoribus, nunc et in hora mortis nostrae. Amen.
Ave Maria, gratia plena, Dominus tecum. Benedicta tu in mulieribus, et benedictus fructus ventris tui, Iesus. Sancta Maria, Mater Dei, Ora pro nobis peccatoribus, nunc et in hora mortis nostrae. Amen.
In memory of the victims of the Boston Marathon bombings, 15 April 2013
In paradisum deducant te Angeli; in tuo adventu suscipiant te martyres, et perducant te in civitatem sanctam Ierusalem. Chorus angelorum te suscipiat, et cum Lazaro quondam paupere æternam habeas requiem.
May angels lead you into paradise; upon your arrival, may the martyrs receive you and lead you to the holy city of Jerusalem. May the ranks of angels receive you, and with Lazarus, once the poor man, may you have eternal rest.
Domine, Jesu Christe, qui me creasti, redemisti, et preordinasti ad hoc quod sum, tu scis quid de me facere vis; fac de me secundum voluntatem tuam cum misericordia. Amen.
Ecce quomodo moritur iustus nemo percipit corde: viri iusti tolluntur et nemo considerat: a facie iniquitatis sublatus est iustus, et erit in pace memoria eius: in pace factus est locus eius et in Sion habitatio eius et erit in pace memoria eius.
1. Angelus ad virginem Subintrans in conclave. Virginis formidinum Demulcens inquit "Ave." Ave regina virginum, Coeliteraeque dominum Concipies Et paries Intacta, Salutem hominum. Tu porta coeli facta Medella criminum.
2. Quomodo conciperem, quae virum non cognovi? Qualiter infringerem, quae firma mente vovi? 'Spiritus sancti gratia Perficiet haec omnia; Ne timaes, sed gaudeas, secura, quod castimonia Manebit in te pura Dei potentia.'
3. Ad haec virgo nobilis Respondens inquit ei; Ancilla sum humilis Omnipotentis Dei. Tibi coelesti nuntio, Tanta secreti conscio, Consentiens Et cupiens Videre factum quod audio, Parata sum parere Dei consilio.
4. Angelus disparuit Etstatim puellaris Uterus intumuit Vi partus salutaris. Qui, circumdatus utero Novem mensium numero, Hinc Exiit Et iniit Conflictum, Affigens humero Crucem, qua dedit ictum Hosti mortifero.
5. Eia Mater Domini, Quae pacem reddidisti Angelis et homini, Cum Christum genuisti; Tuem exora filium Ut se nobis propitium Exhibeat, Et deleat Peccata; Praestans auxilium Vita frui beta Post hoc exsilium.
Spem in alium nunquam habui praeter in te Deus Israel qui irasceris et propitius eris et omnia peccata hominum in tribulatione dimittis Domine Deus Creator coeli et terrae respice humilitatem nostram
Translation:
I have never put my hope in any other but in You, O God of Israel who can show both anger and graciousness, and who absolves all the sins of suffering man Lord God, Creator of Heaven and Earth be mindful of our lowliness
O quanta, qualia sunt illa sabbata Quae semper celebrat superna curia. Quae fessis requies, quae merces fortibus, Cum erit omnia Deus in omnibus.
Vere Ierusalem est illa civitas, Cuius pax iugis est, summa iucunditas, Ubi non praevenit rem desiderium, Nec desiderio minus est praemium.
Quis rex, quae curia, quale palatium, Quae pax, quae requies, quod illud gaudium, Huius participes exponant gloriam, Si quantum sentiunt, possint exprimere.
Nostrum est interim mentem erigere Et totis patriam votis appetere, Et ad Ierusalem a Babylonia Post longa regredi tandem exilia.
Illic molestiis finitis omnibus Securi cantica Sion cantibimus, Et iuges gratias de donis gratiae Beata referet plebs tibi, Domine.
Illic ex sabbato succedet sabbatum, Perpes laetitia sabbatizantium, Nec ineffabiles cessabunt iubili, Quos decantabimus et nos et angeli.
Perenni Domino perpes sit gloria, Ex quo sunt, per quem sunt, in quo sunt omnia; Ex quo sunt, Pater est; per quem sunt, Filius; In quo sunt, Patris et Filii Spiritus.
Nunc dimittis servum tuum, Domine, secundum verbum tuum in pace: Quia viderunt oculi mei salutare tuum Quod parasti ante faciem omnium populorum: Lumen ad revelationem gentium, et gloriam plebis tuae Israel. Gloria Patri, et Filio, et Spiritui Sancto, Sicut erat in principio, et nunc, et semper, et in saecula saeculorum. Amen.
